DA HISTORY OF PIGEON

Like different kine words, da world wuz full of
different kine birds: Yellow birds, blue birds, red birds,
love birds-and den came da pigeon.

Da history of da word pigeon is li'dis-Wen da
French-speaking Normans wen conquer England in da
year TEN-SIX-SIX, dey wen bring along wit dem da word
pigeon, foa da type of bird it wuz. Da resident Anglo-
Saxons used da word dove, or d-u-f-e, as dey used to spell
Ium, to mean da same bird. It just so happened dat terms
in Norman-French wen blend wit Old English sentence
structure, to form wat we know as Middle English. In da
process, da French word became da wun dat referred to da
pigeon as food. Today in England, if you look foa dem,
you can still find recipes foa pigeon pie.

Food foa taught, eh?-Even back den, da word
pigeon wen blend wit pigeon, foa get some moa pigeon.

So nowadays get pigeon by da zoo-Get pigeon on
da beach-Get pigeon in town-Get pigeon in coops-
And no maddah wat anybody try do, dey kannot get rid of
pigeon-

I guess wit such a wide blue sky, everyting deserves to fly.

Previous | Contents | Next